我地時常低估神嘅大能，當聖靈響我地裡面感動我地傳福音比我地身邊未信嘅朋友，家人，又或者係同事嘅時候，我地總係有一堆嘅藉口；佢呢一種人，唔會信耶穌嘅；依家唔係時候，等有機會先同佢講喇；我講野唔叻，傳唔到福音架。當主耶穌第一次接觸彼得嘅時候，彼得灰心喪志，因為佢一整日都打唔到一條嘅魚上黎。之後耶穌叫彼得再落網，今次竟然打到一大網嘅魚上黎，個網都差唔多穿咁濟。我地時常將全能嘅神放落我地有限嘅框框裡面，我地覺得無可能，冇能力，就係因為我地嘅小信。當我地願意為著神嘅原故，去傳揚神嘅道，我地都會好似彼得咁驚訝，得人如得魚一樣，因為在人不能，在神凡事都能。
讚美之泉live版嘅”新的異象，新的方向”
響列王紀下5章1至14節，亞蘭王嘅元師乃縵，因為身患大痳瘋而要去以色列穩先知以利沙求醫冶。當乃縵去到以利沙屋企門口嘅時候，以利沙卻係響屋裡面打發一個使者出到去同乃縵講:”你去約旦河沖七次涼病就會得醫冶。” 乃縵聽到之後真係嬲到成個彈起，佢就話”我諗住以利沙一定會出黎見我，企響道求告耶和華嘅名，響我皮膚上面搖手，幫我醫好大痲瘋。點解要去約旦河？大馬士革嘅亞罷拿同法珥法嘅水仲好啦！”我地響呢道一定會諗，點解乃縵咁笨架，有方法可以醫好佢嘅病都唔試？”但係諗深一層，我地何常唔係好似乃縵咁，當你聽到神同你講野，又或者神透過某人對你說話，我地咪又係覺得有乜理由甘簡單啊？都唔合羅輯！我正常都唔會咁做啦！唔做！我地係咪好多時相信我地自己嘅知識，自己嘅一套，多過相信神呢？當神向我地說話，我地要做嘅就係順服響佢嘅旨意當中。到最後，乃縵都願意去到約旦河照以利嘅吩咐去做，果然得到醫治，所以就算我地半信半疑都好，只要願意行出去，果效就會隨之而黎。
“因我們的大祭司、並非不能體恤我們的軟弱．他也曾凡事受過試探、與我們一樣．只是他沒有犯罪 。” 希伯來書 4:15
我 要 向 山 舉 目 。 我 的 幫 助 從 何 而 來 。我 的 幫 助 從 造 天 地 的 耶 和 華 而 來 。 詩 篇 121 : 1-2 響我地人生低谷，我地嘅幫助從邊道而黎？金錢？朋友？定係你自己嘅信念？就算我地呢一班基督徒，響患難當中好多時都係先靠自己，當一切方法用完，問題都解決唔到嘅時候先呼求神。就讓我地緊記，神係個一位創造天地萬有嘅耶和華。當我地向山舉目，望住神大能且奇妙嘅創造嘅時候，我地知道我地嘅幫助係響邊道黎？我地嘅幫助係從造天地嘅耶和華而黎。