咳嗽原是恩典
吖吔個個都試過咳，而咳真係唔講得笑！唔單只攪到你喉嚨痛、聲沙啞、重可以瞓唔安、食唔落，咳到上氣唔接下氣添。以下呢個尊比「咳人」飲用嘅飲品，係一位姊妹响我咳到淹淹一息時煲比我解咳嘅，效果顯著，而且相當窩心。淨係𠈄嘅愛心，巳足夠令我响咳路上，為我加油打氣啦。好嘢就千奇米收埋，而家我就將呢條 「方」盛傳，希望大家亦可以「使別人得福」！
*材料：
果皮 1-2個
桔餅 2 個
南北杏 2湯匙
半夏 10粒 （叩碎
*以上材料一般藥材鋪都有得買
大火轉中小火，四碗水煲至兩碗 – 要暖飲，老少咸宜
By Grace Chan
我地時常埋怨神對我地唔公平，點解人地嘅生命總係比我地好？點解我盡力事奉，奉獻我嘅時間，金錢，到頭來卻好似得唔到我所想所求。冇錯，係唔公平，但係唔係神對我地唔公平，而係我地對神唔公平。我地所犯嘅罪應該係我地承擔，但主耶穌卻降世為人，背起我地嘅罪，釘死響十字架上，我地先係釘主耶穌個一位，就係因為我地嘅罪……呢一個究竟係一個乜野嘅道理？我地仲有乜野資格去話神唔公平……
凡等候耶和華，心裡尋求他的，耶和華必施恩給他。 耶利米哀歌 3:25
有冇覺得同時下嘅年青人好難溝通呢？當你接觸年青人有冇感到頭痛心煩，耳朵失靈，手足無措，心浮氣躁，頭昏腦脹，嘴巴失控？如果有嘅話”嘴巴失控了”呢本書就啱你喇！呢本書係由一個工作坊開始，講授點樣有效同青少年溝通。點解今日嘅年青人成日被人誤解？點樣嘅溝通方式先至合宜？呢一本書係作為青年人父母或者導師嘅一個寶藏。
我諗大家响上兩個禮拜六嘅愛浸與您賀新歲之-喜樂迎猴年都食到抱住個肚腩走, 當日真係人山人海, 非常熱鬧! 聽聞有好多食物唔夠兩個而已已經賣清. 希望喜樂迎猴年可以作為大家新嘅一年喜樂嘅開始, 大家响猴年都可以身體健康, 主恩常在, 唔講咁多, 大家請睇相! 好多人啊! 售票處情况 煎餃子 咖喱魚蛋超超好食! 雞蛋仔 祝大家福氣滿屋 嘩! 有健康講座添啊. 法式煎餅 下年新年再見喇!
